Vaqfimiz 2023-yilda Istanbul shahrida tashkil etilgan bo‘lib, insonlarni Haqqa va haqiqatga da’vat etishni, birlik va hamjihatlikni ta’minlashni o‘ziga maqsad qilib qo‘ygan bir tashkilotdir.
Vaqfimiz avvalo Azonning maʼnosiga xizmat qilish va millat manfaatini jalb qilishni ustuvor maqsad deb bilish yo‘lida fidokorona faoliyat yuritib kelmoqda. Biz Azon Vaqfi o'laroq o‘z oldimizga quyidagi maqsadlarni qo‘yganmiz: ta’lim sohasida muvaffaqiyatli, izlanuvchan, savol beradigan, o‘rganuvchi va o‘rgatuvchi, rivojlanayotgan dunyoga moslasha oladigan, Islom dunyosining rivojiga hissa qo‘sha oladigan, har qanday maydonlarda so‘z egasi bo'la oladigan, o‘ziga ishongan, muqaddas qadriyatlarini sevuvchi va ilm-maʼrifat bilan qurollangan yoshlarni yetishtirish.
Azon Vaqfi sifatida maqsadimiz:
-
Azonning asl mohiyati – insoniyatni Haqqa va Haqiqatga da’vat qilish, birlik va hamjihatlikni ta’minlash;
-
Ushbu maqsadga xizmat qilish yo'lida barcha ommaviy axborot vositalari va texnologiyalardan foydalanib, iymon haqiqatini insoniyatning muhtoj qalblariga yetkazish;
-
Qur’on ilmi va Payg‘ambar axloqini yoyish maqsadida har xil ta’lim-tarbiya faoliyatlarini olib borish;
-
Moʻtadil va bunyodkor xizmat tushunchasini asos olib, to‘g‘ri Islomni va Islomga munosib to‘g‘rilikni hayotda tatbiq etuvchi huzurli jamiyatni barpo etish;
-
Ayniqsa yoshlarni tarbiyalash orqali axloqli, odobli, iymonli, halol, samimiy va jiddiy avlodlarni yetishtirish; bu avlod yordamida sog‘lom fikrlaydigan, tinchlik, adolat, haqqoniylik va halollikni birlamchi tamoyil qilib olgan jamiyatni qurish;
-
Turkiya, Markaziy Osiyo xalqlari va boshqa Islom dunyosi o‘rtasida ijtimoiy, iqtisodiy va milliy ongni rivojlantirish, birlik va hamjihatlikni, o‘zaro yordam va birdamlikni mustahkamlash, muammolarga barham berishga qaratilgan faoliyatlarni olib borish;
-
Yordamga muhtoj insonlarning ehtiyojlarini qondirish, jamiyatda ijtimoiy mas’uliyat hissi, ko'makchilik va birdamlik madaniyatini o'stirish, har xil ta’lim yo‘nalishlarida o‘qiyotgan ehtiyojmand talabalar uchun ta’lim yordami va stipendiyalar taqdim etib, ularning moddiy-maʼnaviy ehtiyojlarini qondirish, taʼlim muassasalari va o‘quv kurslari ochish, yotoqxona insho etish, xalqimiz va talabalarimizning tarixiy ongi va bilimlarini rivojlantirish;
-
Yetim yoki zo‘ravonlikka uchragan, davlat himoyasiga olingan, modda qaramligiga yo'liqqan, nogiron va ehtiyojmand bolalar va yoshlar uchun barcha zaruriy muassasalarni tashkil qilish va boshqarish.
Ayni paytda olib borilayotgan faoliyatlarimiz:
▪️ Matbuot, media va raqamli xizmatlar
▪️ Sohasida tajribali ustozlar hamda akademiklar boshchiligida akademiya va madrasa ta'limi
▪️ Bolalar va yoshlar uchun Qur’on kurslari
▪️ Islom Fikri instituti
▪️ Nashriyot faoliyati
▪️ Universitet talabalariga maxsus ta’lim xizmatlari
▪️ Ta'lim Maslahatchiligi
▪️ Yotoqxona xizmati
▪️ Keng qamrovli stipendiya dasturi
▪️ Qashshoqlik bilan kurashayotgan va boquvchisi yo‘q oilalarga yordam xizmatlari
Biz, Islomga xizmat qilish, iqtidorli va ehtiyojmand yoshlarning oliy ta’lim olishi va o‘zini rivojlantirishiga ko‘maklashish, insoniy hamjihatlik va o‘zaro yordamparvarlikni jonlantirish maqsadida o'z faoliyatimizni olib bormoqdamiz. Jumladan, shu ulug‘ xizmatga moddiy va ma’naviy hissa qo‘shgan barcha saxovatpesha insonlarga o'zimizning chuqur minnatdorchiligimizni bildiramiz!
Sa’y-harakat bizdan, muvaffaqiyat Allohdandir.
