Azon Vaqfi jamoasi yillar davomida ham O‘zbekistonda, ham Turkiyada vaqf maqsadlariga muvofiq ravishda jamiyatga foydali loyihalarda o'z hissasini qo‘shish maqsadida ko‘ngillilik asosida ko‘plab faoliyatlarni amalga oshirib kelmoqda va amalga oshirishda davom etmoqda.
Azon Vaqfi, faoliyatining dastlabki kunlaridan boshlab bugungi kunga qadar nashriyot, onlayn televideniye va axborot, radio, turizm, ta’lim markazlari, kitob do‘konlari, bookcafe va shu kabi ko‘plab sohalarda xizmat ko‘rsatib kelmoqda. Shu bilan birga, shu va shunga o‘xshash faoliyatlarning ko‘pchiligini kengroq ko‘lamda davom ettirib, yana bir qancha yangi loyihalar va yangi xizmat sohalari ustida ish olib bormoqda.
Hozirda Azon Vaqfi tarkibida axborot, media efirlari, nashriyot, akademiya kabi tijoriy maqsadni ko‘zlamaydigan faoliyatlar mavjud bo‘lishi bilan birga, vaqfni xayriyalarga bog'lanib qolmasligini ta'minlashga qaratilgan tijoriy faoliyatlar ham shakllantirilmoqda.
Azon Vaqfi sifatida biz sizni tegishli bo'limlarimizga yo‘naltirish orqali jamiyat foydasiga xizmat qiladigan loyihalarning o‘sishi va rivojlanishiga xoh ma’naviy, xoh moddiy yordam bilan, xoh xizmat bilan hissa qo‘shishingizga imkon yaratamiz. Har bir insonning o‘z bilim, tajriba va imkoniyatlaridan kelib chiqib qo‘shadigan har bir hissasi katta ahamiyatga ega ekanligiga ishonamiz.
Shu doirada siz quyidagi yoki bu yerda ko‘rsatilmagan o‘xshash sohalardan birida bizga ko'makchi bo'lib, Azon jamoasi safidan joy olishingiz mumkin:
Media va Axborot: Agar tajribangiz bo‘lsa, xabar tayyorlash, video montaj, grafik dizayn, ijtimoiy tarmoqlarni boshqarish kabi sohalarda ko'mak berib, kontent ishlab chiqarishda hissa qo‘sha olasiz.
Ta’lim va Akademiya: O‘qituvchi, ekspert yoki maslahatchi sifatida bilim ulashishingiz; seminar va ta’lim dasturlarida ishtirok etishingiz mumkin.
Nashriyot Faoliyatlari: Tahrir, tarjima, kontent tayyorlash yoki kitob tavsiyasi va taqdimoti kabi ishlarda ishtirok etishingiz mumkin.
Tijorat Tashabbuslari: Tadbirkorlik, menejment, savdo va marketing yoki moliyaviy sohalarda maslahat bera olishingiz yoki yangi loyihalarda sheriklik va investitsiya orqali hissa qo‘shishingiz mumkin.
Texnik va Raqamli Qo‘llab-quvvatlash: Dasturlash, ilova ishlab chiqish kabi texnik sohalarda bilimingiz va mehnatingiz bilan loyihalarimizga o'z hissangizni qo'sha olasiz.
Ko‘ngillilik va Tashkiliy Ishlar: Agar sizda maxsus mutaxassislik bo‘lmasa ham, vaqtingizni ajratib, tashkiliy ishlarda, tadbirlarda yoki logistika sohasida yordam bera olasiz.
Moddiy Yordam: Faoliyatlarimizning barqarorligini ta’minlash maqsadida ma’lum loyihalarga yoki umumiy vaqf xizmatlariga moddiy hissa qo‘sha olasiz.
Qo‘llab-quvvatlash uchun qilishingiz kerak bo‘lgan yagona ish – aynan qaysi sohada yordam bera olishingizni biz bilan bo‘lishishingizdir. Biz sizning yordamingizni eng to‘g‘ri yo‘nalishga yo‘naltirish uchun shu yerdamiz!
